सल्यान । जिल्लाको कुमाख गाउँपालिका–३ चिनालीमा चट्याङबाट एक बालिकाको मृत्यु भएको छ । यसका साथै पाँचजना घाइते भएका छन । चट्याङ लागेर ६ वर्षीया हिमानी रानाको मृत्यु भएको हो ।

निरन्तरको वर्षाका कारण बिहान घरमा परेको चट्याङले गम्भीर घाइते भएकी रानाको उपचारको क्रममा सल्यान जिल्ला अस्पताल खलंगामा मृत्यु भएको जिल्ला प्रहरी कार्यालय सल्यानका प्रहरी प्रमुख डीएसपी ढकेन्द्र खतिवडाले बताए । चट्याङ लागेर गाउँपालिका– ३ का वडा सदस्य ३६ वर्षीय अतिराम राना, उनकी पत्नी ३० वर्षीया दीपा राना, आठ वर्षीय छोरा यमराज राना, २६ वर्षीय टेकबहादुर राना र २३ वर्षीय रणसिंह राना घाइते भएका डिएसपी खतिवडाले जानकारी दिए ।

घाइतेहरुको सल्यान अस्पतालमा उपचार भैरहेको छ भने उनीहरुको अवस्था सामान्य रहेको छ ।