काठमाडौं । एकै दिन विश्वमा ८० हजार भन्दा धेरै कोरोना संक्रमित थपिएका छन् ।

यस्तै विश्वभर कोरोना भाइरस संक्रमणबाट मृत्यु हुनेको संख्या २ लाख ५२ हजार ४०७ पुगेको छ । हाल विश्वभर संक्रमितको संख्या करिब ३६ लाख ४६ हजार १७० पुगेको छ । १२ लाख भन्दा धेरै उपचारपछि निको भएर घर फर्किएका छन् । कोरोना भाइरस महामारीबाट सबैभन्दा बढी संक्रमित भएको अमेरिकामा पछिल्लो एक दिनमा २४ हजार संक्रमित र १३ सय भन्दा धेरैको मृत्यु भएको छ ।

अमेरिकामा अहिलेसम्म संक्रमितको संख्या १२ लाख १२ हजार ८६९ पुगेको छ । यस्तै, मृतक ६९ हजार ९२१ पुगेका छन् । अमेरिकामा १ लाख ८८ हजार भन्दा धेरैजना उपचारपछि निको भएका छन् । स्पेनमा संक्रमितको संख्या २ लाख ४८ हजार ९०१ पुगेको छ भने २५ हजार ४२८ जनाको मृत्यु भएको छ । यस्तै, इटालीमा संक्रमित संख्या २ लाख ११ हजार ९३८ पुग्दा २९ हजार ७९ जनाको मृत्यु भएको छ ।

फ्रान्समा संक्रमित १ लाख ६९ हजार ४६२ हुँदा २५ हजार २०१ जनाको मृत्यु भएको छ । बेलायतमा १ लाख ९० हजार संक्रमित हुँदा २८ हजार ७३४ जनाको मृत्यु भएको छ । त्यस्तै, जर्मनीमा १ लाख ६६ हजार १५२ जना संक्रमित रहेका छन् ६ हजार ९९३ जनाको मृत्यु भएको छ । रुसमा १ लाख ४५ हजार २६८ जना संक्रमित हुँदा १ हजार ३५६ जनाको मृत्यु भएको छ ।

टर्कीमा १ लाख २७ हजार ६५९ संक्रमित हुँदा ३ हजार ४६१ को ज्यान गएको छ । इरानमा ९८ हजार ६४७ जना संक्रमित हुँदा ६ हजार २७७ जनाको ज्यान गएको छ । चीनमा पछिल्लो एक दिनमा १ जना नयाँ संक्रमित थपिएका छन् । चीनमा हालसम्म ८२ हजार ८८१ जना संक्रमित हुँदा मृतकको संख्या ४ हजार ६३३ छ ।

भारतमा संक्रमित ४६ हजार ४३७ र मृतक १ हजार ५६६ पुगेका छन् । पाकिस्तनमा २१ हजार ५०१ संक्रमित हुँदा ४८६ जनाको ज्यान गएको छ ।

जापानमा १५ हजार ७८ जना संक्रमित हुँदा ५३६ जनाको ज्यान गएको छ । नेपालमा भने अहिलेसम्म ८२ जना संक्रमति फेला परेका छन् । मंगलबार मात्रै नेपालगञ्जमा ७ जना कोरोना संक्रमित फेला परेका छन् । हालसम्म १६ जना उपचारपछि निको भएर घर फर्किएका छन् ।