काठमाडौं । कर्णाली प्रदेशमा प्रवेश गर्ने सबै सीमानाका बन्द गर्ने कर्णाली प्रदेश विपद् व्यवस्थापन परिषद्को बैठकले निर्णय गरेको छ । सोमबार बसेको बैठकले उक्त निर्णय गरेको हो ।

अन्य प्रदेशहरुमा कोरोनाको संक्रमण धमाधम देखिरहँदा कर्णाली प्रदेश यो भाइरसको जोखिमबाट टाढा रहेकाले सीमानाका एक हप्ताका लागि बन्द गर्ने निर्णय गरिएको हो ।

कर्णाली प्रदेशमा प्रवेश हुने सबै सीमानाका बन्द गरिएको कर्णालीमा दैनिक उपभोग्य वस्तुसमेत ७ दिनसम्ममा आयातमा रोक लगाइएको कर्णाली प्रदेशका प्रमुख सचिव टेकनारायण पाण्डेले जानकारी दिए ।

कर्णाली प्रदेश विपद् व्यवस्थापन परिषद् बैठकले प्रदेशका २५ स्थानमा थप विशेषज्ञ चिकित्सकसहितको स्वास्थ्यकर्मी टिम खटाउने निर्णयसमेत गरेको छ कर्णालीसँग सीमाना जोडिएका सुदुरपश्चिम प्रदेश र प्रदेश – ५ नाका पूर्ण रुपमा बन्द गर्ने निर्णय गरिएको हो ।