अमेरिकी राष्ट्रपति डोनल्ड ट्रम्पले सन् २०२१ अगावै अमेरिकामा कोरोनाभाइरसको खोप हुने आफूले विश्वास गरेको बताएका छन्।

फक्स न्यूससँगको अन्तर्वार्तामा उनले भन्े २०२०को अन्त्यसम्ममा हामीसँग खोप हुने कुरामा हामी विश्वस्त छौँ।

संसारभरका वैज्ञानिकहरु अहिले कोरोनाभाइरसको खोप विकास गर्न मिहेनत गरिरहेका छन् तर धेरै विज्ञहरू यस्तो खोप सबैका लागि उपलब्ध सन् २०२१ तिरमात्रै हुने विश्वास गर्छन्।

तर त्यो खोप मानवमा सुरक्षित छ कि छैन भनेर गरिएको परीक्षण सफल भएपनि त्यसपछि त्यसको दोस्रो परीक्षण हुनुपर्छ र नियामक निकायले त्यसलाई अनुमति दिनुपर्छ। त्यसपछि खोप ठूलो मात्रामा उत्पादन गर्ने प्रक्रिया शुरू हुन्छ।

खोप तयार गर्न समान्यतया वर्षौँ मात्र होइन दशकौँसम्म लाग्ने अनुमान गरिएको छ । अधिकांश विज्ञले सन् २०२१ को मध्यसम्म खोप तयार हुने ठानिरहेका छन्।