काठमाडौँ। आज उच्चस्तरीय समितिको बैठक बस्दै छ । यो बैठकले कोभिड १९ तथा पछिल्लो समय देशमा भइरहेका गतिविधिबारे चर्चा गर्नुका साथै अब लकडाउन लम्ब्याउनेबारे पनि चर्चा गर्नेछ ।

प्रधानमन्त्री कार्यालयका सचिव तथा उच्चस्तरीय समन्वय समितिका सदस्य सचिव नारायणप्रसाद बिडारीले बैठमा कोरोना रोकथाम तथा नियन्त्रणका विषयमा भइरहेका कामको समीक्षा गर्दै आगामी रणनीति तय गर्ने जानकारी दिएका छन् ।

सरकारले यसअघि घोषणा गरेको लकडाउन २५ वैशाखमा सकिँदैछ ।

अब लकडाउनको मोडालिटीबारे केही परिवर्तन ल्याउने यसअघिको तयारी भए पनि नेपालगन्जमा एकै पटक १५ जनामा कोरोनाभाइरस संक्रमण देखिएपछि लकडाउन के गर्ने भन्नबारे सरकारले निर्णय गर्न सकेको छैन ।

आज दिउँसो २ बजे प्रधानमन्त्री तथा मन्त्रिपरिषदको कार्यालयमा बस्ने यो बैठकले यसको निर्णय गर्नेछ ।