चितवन । चितवनमा ४ जना बालबालिकामा दादुरा सङ्क्रमण भएको छ । जिल्लाको राप्ती नगरपालिकाका बालबालिकाहरुलाई उक्त संक्रमण देखिएको हो । संक्रमण देखिएसँगै सो नगरापालिकामा मंगलबारदेखि दादुरा रुबेला रोग विरुद्धको खोप सञ्चालन गरिने भएको छ ।

स्वास्थ्य कार्यालयका प्रमुख दीपक तिवारीका अनुसार सो नगरपालिकाको वडा नं १०, ११, १२ र १३ मा खोप सञ्चालन गर्न लागिएको हो । वडामा रहेका ९ महिनादेखि १५ वर्ष उमेर समूहकालाई खोप लगाइने भएको छ ।

ती वडामा रहेका करिब ७ हजार बालबालिकालाई स्वास्थ्य मन्त्रालयकोे निर्देशिका अनुसार सामाजिक दूरी कायम गरी खोप लगाइने भएको छ ।