हामीलाई भ्रष्टाचार स्वीकार्य छैन ।
देशको ढुकुटीमा हुने चुहावट स्वीकार्य छैन ।
राष्ट्रियता माथि उठेको औंला स्वीकार्य छैन ।
नाताबाद,कृपा बाद र फरियाबाद स्वीकार्य छैन।
हामीलाई दिल्लीको प्रभाव स्वीकार्य छैन।
हामीलाई तपाईंले बजारमा सस्तै मा बेच्ने गरेका झूटा आश्वासन स्वीकार्य छैन।
अनियमितता स्वीकार्य छैन ।

तर आज हामी युवालाई जे स्वीकार्य छैन त्यही भइरहेको छ।
नेता ज्यू स्मरण रहोस् –
तपाईंलाई विश्वास गरेर तपाईंको लागि रगत बगाउने युवा लाई जिस्क्याउने चेष्टा नगर्नुस्,
नतिजा तपाईंलाई भारी पर्न सक्छ।

तपाईंलाई थाहा छ, हामीलाई सबै भन्दा बढी प्यार केसँग छ ?
–माटो
हो यो देशको माटो
हामी -हामीले टेकेको धर्तीको कुरा गर्दै छौ,
हाम्रो जङ्गे पिलरको कुरा गर्दै छौ।
जति छिमेकीले घरको सुर मिच्दा चित्त दुख्छ,
त्यो भन्दा बढी जङ्गे पिलर सरिदा दुख्छ।

सोच्नुस् त नेता ज्यू –
अझै पनि तपाईंको दिल्ली मुखी सोचले गरेको गल्तीको पीडा हामी युवाहरुले भोगिरहनु?
अझै पनि दास बनिरहनु?
अझै पनि दिल्लीमा पानी पर्दा हामी नेपाली काठमाडौंको सांसद् भवनमा छाता ओडिरहने?

हाम्रो राष्ट्रियताको भावलाई यो कुरा स्वीकार्य छैन।
हाम्रो भावना माथि खेल्ने दुस्साहस नगरियोस्
राष्ट्र नरहे राजनीति नरहने कुरालाई पुनर्विचार गर्दै उपर्युक्त कदमहरु अगाडि बढाउनु आवश्यक छ।
जय देश
जय युवा