काठमाडौँ। केन्द्रीय तथ्यांक विभागको तथ्यांक अनुसार चालु आर्थिक वर्षमा आर्थिक वृद्धिदर २ दशमलव २७ प्रतिशतमा हुने भएको छ ।

चालु आर्थिक वर्षमा ८ दशमलव ५ प्रतिशत वृद्धिदरको लक्ष्य लिएको सरकारको लागि यो तथ्यांक निकै कम हो । हाल विश्वमा देखिएको कोरोना महामारीको असरलाई नेपालको अर्थतन्त्रमा देखिने विभागले जनाएको छ । हाल विश्वमा देखिएको कोभिड–१९को महामारीको असरलाई न्यून गर्नको लागि अवलम्बन गरिएको आन्तरिक तथा बाह्य प्रयासहरूको प्रभाव नेपालको अर्थतन्त्रमा पनि देखिने विभागले जनाएको छ ।

विभागले कोरोना माहामारीको कारण होटल तथा रेष्टुँरा क्षेत्रमा १६.३० प्रतिशत, यातायात, सञ्चार तथा भण्डारण क्षेत्रमा २.४५ प्रतिशत गिरावट आउने जनाएको छ । त्यस्तै औद्योगिक गतिविधिमा आएको संकुचनले गर्दा औद्योगिक क्षेत्रको मूल्य अभिवृद्धिमा २.२७ प्रतिशतले कमी आउने विभागले उल्लेख गरेको छ ।

विभागले प्राथमिक क्षेत्रको वृद्धिदर २.५४ प्रतिशत, द्वितीय क्षेत्रको वृद्धिदर ३.३६ प्रतिशत र सेवा क्षेत्रको वृद्धिदर भने १.९९ प्रतिशतमा रहने जनाएको छ