टोकियो ओलम्पिक गेम्सका आयोजकहरुले नयाँ मितिमा पनि ओलम्पिक आयोजना गर्न नसकिए प्रतियोगिता नैं रद्द गरिने बताएका छन् ।

सन् २०२० मा तोकिएको टोकियो ओलम्पिक २०२१ मा पनि हुन नसके रद्द गरिने आयोजक कमिटीका अध्यक्ष योशिरो मोरीले बताएका छन्। कोराना महामारीका कारण प्रतियोगिता २०२२ मा गर्न सकिन्छ त ? भन्ने प्रश्नमा उनले सो मितिमा पनि प्रतियोगिता हुन नसके रद्द हुने बताएका हुन्।

टोकियो ओलम्पिक सन् २०२१ को जुलाई २३ देखि अगस्ट ८ मा गरिने बताइएको छ। तर, कोरोना भाइरस विश्वभर महामारीको रुपमा फैलिएपछि ओलम्पिक प्रतियोगिता एक वर्ष पछि सारिएको थियो। कोरोना महामारीबाट अघि बढ्दै ओलम्पिक आयोजना गर्न सक्नेमा भने आफू विश्वस्त रहेको समेत मोरीले बताए ।

आगामी वर्ष हुने प्रतियोगिताको नाम भने टोकियो ओलम्पिक २०२० नै रहनेछ।