काठमाडौं । पूर्वसभामुख कृष्णबहादुर महराले सत्तारूढ नेपाल कम्युनिस्ट पार्टीभित्रको विवादले जनता निराश बन्न पुगेको बताएका छन् ।

आज एक विज्ञप्तिमार्फत दाङ निर्वाचन क्षेत्र नम्बर २ का सांसद महराले अहिलेको विषम परिस्थितिमा राष्‍ट्रिय एकता अपरिहार्य देखिएको उल्लेख गरेका छन्।

‘हालको अवस्थामा सबै दल तथा जनसमुदाय मिलेर कोरोना भाइरसविरुद्ध संघर्ष गर्ने बेला हो,’ विज्ञप्तिमा भनिएको छ, ‘यस्तो जटिल अवस्थामा दलहरूबीच एकता र सहकार्य हुनुपर्नेमा विवाद देखिनुलाई राम्रो मान्‍न सकिँदैन।’ दलहरूबीच आन्तरिक एकता कायम गरेर संवाद, सहमति र सहकार्यबाट अगाडि बढ्न महराले अपिल पनि गरेका छन्।

महराको विज्ञप्तिमा भनिएको छ- ‘यस्तो जटिल अवस्थामा दलहरूबीच एकता र सहकार्य हुनुपर्नेमा विवाद देखिनुलाई राम्रो मान्‍न सकिँदैन।’