चितवन । चितवनमा कोरोना संक्रमित महिलाको तेस्रो रिपोर्ट पनि पोजेटिभ देखिएको छ । । वैशाख १५ गते स्वाब सङ्कलन गरी पुनः परीक्षण गर्दा ६३ वर्षीया महिलाको नतिजा पुनः पोजेटिभ नै देखिएको हो ।

संक्रमित महिला अहिले भरतपुर अस्पतालको आइसोलेसनकक्षमा उपचाररत छन् । उनमा वैशाख ५ गते कोरोना सङ्क्रमण पुष्टि भएको थियो । उनका २७ वर्षीय छोरा भने निको भएर घर फर्किसकेका छन ।

आमाछोरा दुवैको कोरोना संक्रमण एकैचोटि पुष्टि भएको थियो । उनीहरू चैत ३ गते बेलायतबाट नेपाल आएका थिए । उनीहरु काठमाडौंबाट ५ गते चितवन गएका थिए । राप्ती नगरपालिका–८ निवासी २ जनाकै कन्ट्रयाक्ट ट्रेसिङ गरी अन्यको कोरोना परीक्षण गरिएको थियो । तर अरु कसैमा पनि कोरोना सङ्क्रमण देखिएको थिएन ।