काठमाडौँ । कोरोना भाइरसको संक्रमणबाट भारतमा ज्यान गुमाउनेको संख्या १ हजार नाघेको छ ।

भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा १८ सय ९७ संक्रमित पुष्टि भएको छ ।

योसँगै भारतमा कुल कोरोना संक्रमितको संख्या ३१ हजार ३३२ पुगेको छ ।

त्यस्तै २४ घण्टामा भारतमा ७३ जनाको मृत्यु भएको छ । योसँगै भारतमा कोरोनाबाट मृत्यु हुनेको संख्या कुल एक हजार ७ पुगेको छ । भारतमा अहिलेसम्म ७ हजार ६९६ जना ठिक भएका छन् ।