काठमाडौं । ललितपुरमा एकजना मृत अवस्थामा फेला परेका छन । जिल्लाको वागमती गाउँपालिकामा उक्त व्यक्ति मृत फेला परेका हुन ।

गाउँपालिकाको कटुनबेंसी १ स्थित वाग्मती नदीमा सोही गाउँपालिका निवासी ४८ वर्षीय कालीबहादुर थिङ मृत अवस्थामा फेला परेका हुन ।
मकवानपुरबाट घर फर्कने क्रममा खोला तर्दा उक्त खोलाले बगाएर उनको मृत्यु भएको महानगरीय प्रहरी वृत्त चापागाउँका प्रहरी नायब उपरीक्षक कृष्णराज ओझाले जानकारी दिएका छन ।

थिङको शव हिजो बेलुका नै ल्याएर आज बिहान पाटन अस्पताल पोष्टमार्टमका लागि प्रहरीले बुझाएको छ ।