काठमाडौं । नेपालमा कोरोना संक्रमणबाट मुक्त भई डिस्चार्ज हुनेको संख्या १६ पुगेको छ।

आइतबार ४ जना निको भएर घर फर्किएसँगै यस्तो संख्या १६ पुगेको हो । स्वास्थ्य मन्त्रालयका प्रवक्ता डा. विकास देवकोटाले नारायणी अस्पतालमा उपचाररत रौटहटका १९ वर्षीय युवक र भारतीय धर्म प्रचारक समूहका ३ जना पुरुष गरी ४ जना घर फर्किएको बताए। हालसम्म कोरोना संक्रमितको संख्या ५१ पुगेको छ। अहिले मुलुकभर ११० जना आइसोलेसनमा रहेको मन्त्रालयले बताएको छ।

यसैगरी, क्वारेन्टाइनमा १७ हजार २५ जना बसेका छन् ।