वीरगन्ज । पर्सा जिल्लाको वीरगन्ज स्थित दुई जनामा कोरोना भाइरसको सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका सह प्रवक्ता समीरकुमार अधिकारीका अनुसार राष्ट्रिय जनस्वास्थ्य प्रयोगशाला टेकुमा गरिएको परीक्षणमा वीरगन्जका दुवै जना ५० वर्ष उमेरका पुरुषमा कोरोनाको सङ्क्रमण भएको हो ।

यससँगै नेपालका कोभिड १९ का सङ्क्रमितको सङ्ख्या ५१ पुगेको छ भने १२ जना निको भएर घर फर्किसकेका छन् ।