काठमाडौँ । समाज कल्याण परिषद्ले दिएको निर्देशनमा राष्ट्रिय गैह्र सहकारी संस्था महासङ्घको ध्यान आकर्षण भएको छ ।

परिषद्को उक्त निर्देशनमा कुनै पनि एनजिओ तथा आइएनजीओले कुनै ठाउँमा सहयोग गर्न चाहेमा सम्बन्धित स्थानीय तह वा सो ठाउँमा रहेको अन्य सम्बन्धित सरकारी निकायसँग समन्वय गरी सहयोग वितरण गर्नुपर्ने बताइएको थियो ।

शनिवार एक विज्ञप्ति जारी गर्दै नियम लागु भएसँगै राष्ट्रिय गैह्र सहकारी संस्थाले उक्त नियमको पालना गर्दै आएको छ बताएको छ।

हाल आएर एनजीहोहरुले आफूखुसी कार्य गर्दा विश्वभर देखिएको कोरोना कहरबाट नेपाल समेत प्रभावित भई देश लकडाउन भएको कारण समाजमा विकृति आउन सक्ने सम्भावना रहेको छ । जसले गर्दा सबै एनजिओहरूले राहत उपलब्ध गराउँदा जानी नजानी राहत पाउन पर्ने वर्गले पाउन नसक्ने कुरा प्रति सचेत गराउँदै जो जहाँ हुनहुन्छ एकताबद्ध भई स्थानीय निकाय सँगको समन्वयमा एकद्धार प्रणालीबाट राहत वितरण कार्य गर्न महासङ्घले आग्रह गरेको छ ।

यसका साथसाथै समाज कल्याण परिषद्ले दिएको निर्देशनलाई पनि पालना गर्न देश भरिका सम्पूर्ण एनजिओहरूलाई अनुरोध समेत गरेको छ ।