कञ्चनपुर । कञ्चनपुरमा आफूखुसी राहत वितरण गरेको आरोपमा दुइ विद्यार्थी नेता पक्राउ परेका छन । लकडाउनपछि खाद्यान्नको समस्यामा परेका विद्यार्थीहरुलाई राहतको व्यवस्था गर्न कञ्चन विद्या मन्दिर सामुदायिक कलेज पुगेका नेकपा निकट अनेरास्ववीयुका जिल्ला सदस्य भुवन विष्ट र अखिल क्रान्तिकारी कञ्चनपुरका नेता नरेन्द्र भाटलाई प्रहरीले पक्राउ गरेको छ ।

जिल्लामा लकडाउनबाट प्रभावित भएकाहरुलाई एकद्धवार प्रणाली मार्फत राहत वितरण गर्नुपर्ने नीतिको उल्लङ्घन गर्दै राहत वितरण गरेपछि उनीहरुलाई पक्राउ गरिएको प्रहरीले जनाएको छ । प्रहरीले कञ्चन विद्या मन्दिरका प्राध्यापक मनिस ओझालाई समेत सोधपुछका लागि बोलाएको छ ।

जिल्ला प्रहरी कार्यालयका प्रवक्ता प्रहरी नायब उपरिक्षक रविन्द्र पौडेलले सरकारको एकद्धार प्रणालीलाई बेवास्ता गर्दै राहत वितरण गर्न लागेको थाहा पाएपछि उनीहरुलाई सोधपुछका लागि पक्राउ गरिएको जानकारी दिएका छन ।