काठमाडौँ । कोरोना भाइरसको उपचारका लागि आवश्यक औषधी लिएर श्री एयरलाइन्सको जहाज काठमाडौं आइपुगेको छ ।

स्वास्थ्य मन्त्रालय र टेमासेक फाउण्डेसनको स्वास्थ्य सामाग्री लिन श्रीको सीआरजे जहाज सरकारका लागि आवश्यक औषधी लिन बुधबार विहान सिंगापुर गएको थियो । सो स्वास्थ्य सामग्री सरकारलाई अनुदानबापत प्राप्त भएको हो ।

मन्त्रालयले ल्याएको औषधी ढुवानी बापतको रकम भने व्यवसायीहरु पशुपति मुरारका, शेखर गोल्छा र श्री एयरलाइन्सले नै बेहोरेका छन् । राज्यलाई थप आर्थिकभार नपार्ने सोचका साथ आफुहरुले औषधी ढुवानीको भाडा तिरेको ती व्यवसायीहरुको भनाई छ ।