कैलालीमा दुइ जना मृत फेला

धनगढी । कैलालीमा दुई जना मृत फेला परेका छन् । घोडाघोडी नगरपालिका बस्ने ११ बर्षीय बालिका र गोदावरी नगरपालिकाका ५६ बर्षीय पुरुष मृत भेटिएका हुन् । घोडाघोडी नगरपालिका वडा नम्वर ३ धुसरकी कविता रोकाया बुधबार साँझ मृत फेला परेकी हुन् । मृत्युको रहस्यबारे अनुसन्धान भैरहेको इलाका प्रहरी कार्यालय सुखडले जनाएको छ ।
५ गतेदेखि वेपत्ता रहेका गोदावरी नगरपालिका वडा नम्वर ३ का ५६ बर्षीय केशव नौन्याल मृत फेला परेका हुन् । ६ गते ईलाका प्रहरी कार्यालय मालाखेतीमा उनको खोजतलासका लागि निवेदन दिईएको थियो । आज वडा नम्वर ३ कै सामुदायिक बनमा उनको शव फेला परेको जिल्ला प्रहरी कार्यालय कैलालीले जनाएको छ । प्रहरीले यस विषयमा थप अनुसन्धान गरिरहेको छ ।
प्रतिक्रिया दिनुहोस्