काठमाडौं । बैशाख ११ गते लोकतन्त्र स्थापना दिवस हो । ऐतिहासिक दृष्टिकोणबाट आज धेरैवटा महत्वपूर्ण घटना भएको दिन पनि हो ।

यहाँ बैशाख ११ गतेकै घटनाक्रम हेरिँदैछ:

२०६३ आज, १९ दिने जनआन्दोलन समाप्त भयो । तत्कालीन राजा ज्ञानेन्द्रले जेठ ८, ०५९ मा विघटित प्रतिनिधिसभा पुनःस्थापित भएको घोषणा गर्दै सम्पूर्ण राजकाज जनतालाई नै सुम्पेको घोषणा गरे ।

२०६२ आज, पहिलो कम्युनिस्ट प्रधानमन्त्री, नेपालमा पहिलो महिला निर्वाचित जनप्रतिधि (काठमाडौँ नगरपालिकाको सदस्य), पहिलो महिला सम्पादक साधना प्रधान अधिकारीको निधन भयो । २ दिनपछि १३ बैशाख (०५६) मा मनमोहन अधिकारीको निधन भएको ।

२०६१ आज, अति कम विकसित मुलुकमध्ये पहिलो मुलुकको रुपमा नेपाल विश्वब्यापार संगठन (डब्लूटीओ)को सदस्य भएको दिन ।

२०६० आज, आदिकवि भानुभक्त बस्ने गरेको, तनहुँ जिल्ला चुँदी रम्घाबेंसीको घर (‘शिखरकटेरी’) जलेर खरानी भएको ।

२०५२ आज, ‘धमिजा काण्ड’ भनेर चिनिने तत्कालीन शाही नेपाल वायुसेवा निगममा गठित निगमको युरोप जीएसए (जनरल सेल्स् एजेन्ट) छनौटमा भ्रष्टाचार भएको भन्ने गठित छानबीन समितिसमक्ष गएर पूर्वप्रधानमन्त्री गिरिजाप्रसाद कोइरालाले लिखित बयान दिएका । बयानमा उक्त छानबिन समितिको गठनविधि र सपथग्रहण नै नगरी काम शुरू गरेकोले अवैधानिक भन्दै उनले अवैधानिक समितिप्रति आफू जवाफदेही नहुने जिकिर गरेका ।

२०४९ आज, नेपालको पहिलो राजनीतिक दल ‘नेपाल प्रजा परिषद’ का संस्थापक अध्यक्ष, नेपाली राष्ट्रिय कांग्रेसका प्रथम मानार्थ अध्यक्ष, पूर्वप्रधानमन्त्री तथा नेपाल–चीन सम्बन्धका संस्थापक टंकप्रसाद आचार्यको निधन भएको ।

२०१६ आज, नेपाल र सोभियत संघका बीच आर्थिक तथा प्राविधिक सम्झौतामा हस्ताक्षर भई सोभियत संघले नेपाललाई ७५ लाख अमेरिकी डलरको सहायता दिने निर्णय ।

२००६ आज, आजको त्रिभुवन विमानस्थल (तत्कालीन गौचर) मा पहिलोपटक भारतीय डकोटा विमान अवतरण भएको ।
नेपाल बाहिर

२०६८ आज, बिहान करिब साडेसात बजे साईबाबाको दक्षिण भारतको पुट्टपर्तीस्थित आफ्नै निवासमा निधन भयो र बैशाख १४ का दिन अन्त्येष्टी गरियो ।

२००२ साल आज, (२३ अप्रिल १९४५) अमेरिकाको क्यालिफोनिया राज्यस्थित सान फ्रान्सिस्को सहरमा ५१ वटा राष्ट्रका प्रतिनिधिमण्डल

संस्थापकका हैसियतले भेला भएर संयुक्त राष्ट्र संघको स्थापनाको घोषणा (२४ अप्रिल) सम्मेलनको लागि अन्तिम तयारीमा ।

वि.स. १९०७ आज (सन् १८५०, अप्रिल २३), बेलायतका प्रख्यात कवि विलियम वर्ड्स्वर्थको निधन ।

लोकपथ