काठमाडौँ । त्रिभुवन विश्वविद्यालयमा समाज शास्त्र अध्ययनरत बाजुराका विद्यार्थी हेमराज थापा माथि अन्याय भएको भन्दै आम विद्यार्थीले विरोध सुरु गरेका छन् ।

थापामाथि रहातकोनाममा बृहत् मात्रामा खाद्यान्न कोठामा लगेर लुकाएको आरोप लगाउँदै उक्त सामाग्री बरामद गरिएको थियो ।

तर दोषी भनिएका थापाले कीर्तिपुर क्षेत्रमा रहेका विद्यार्थीहरूलाई राहत बाँड्न उक्त सामाग्री राखिएको जनाएका छन् ।

महानगरी प्रहरी वृत्त किर्तिपुरका डिएसपी छेदिलाल कामतीले बरामद सामान वडाध्यक्ष राजकुमार मालीको रोहबरमा मुचुल्का उठाएर राखिएको र थापालाई छलफलका लागि बोलाइएको बताएका थिए ।

यता थापाले भने आफूलाई छलफलमा बोलाएर मेयरले कुटपिट गराएको कुरा सामाजिक सञ्जाल मार्फत जानकारी दिएका छन् ।

थापाको सामाजिक सञ्जाललाई नै आधार मानेर हेर्ने हो भने उनले विगत केही दिन देखि उक्त क्षेत्रका विद्यार्थीहरूलाई राहत वितरण र सङ्कलन गर्दै आएको देखिन्छन् ।

आरोपित थापा राजनीतिक रूपमा पनि सक्रिय रहेको र उनले युट्युब र फेसबुकमार्फत प्रधानमन्त्री सहित सरकारलाई गाली गरेकाले उनलाई फसाउने षड्यन्त्र रचिएको जानकारहरू बताउँछन् ।

उनको विषयलाई लिएर समाजवादी विद्यार्थी युनियनले एक विज्ञपति समेत सार्वजनिक गरेको छ ।

थापाले केही समय अधिमा मात्र फेसबुक लाइभमा जोडिएर आफ्ना केही भनाई प्रस्तुत गरेका छन् । हेर्नुस् यो भिडियो ।

https://youtu.be/gTIoAPREoio