जाजरकोट । जाजरकोटको कुशे गाउँपालिकामा मंगलबार गरिएको द्रुत खोज परिक्षण (¥यापिड टेष्ट) को सबै रिपोर्ट नेगेटिभ आएको छ । कोरोना भाइरस संक्रमण पत्ता लगाउन कुशे गाउँपालिकाको प्रशासनिक केन्द्र थर्पु भार्मामा गरिएको आरडीटी परिक्षणको सबै रिर्पोट नेगेटिभ आएको हो ।

भारत तथा अन्य मुलुक र जिल्ला भन्दा बाहिरबाट गाउँपालिकामा प्रवेश गरेका नागरिकहरु मध्ये २५ जनालाई कोरोना संक्रमणको अबस्था जाँच गर्नका लागि आरडीटी परिक्षण गरिएको गाउँपालिकाका अध्यक्ष हरिचन्द्र बस्नेतले बताएका छन । कोरोना जाँचको लागि आरडीटी परिक्षण गरिएका २५ जनाकै रिपोर्ट नेगेटिभ आएको छ अध्यक्ष बस्नेतले भने – ‘तेस्रो मुलुक, कालापहाड र अन्य जिल्लाबाट हालै गाउँपालिकामा प्रवेश गरेका हजार भन्दा बढि नागरिकहरु भएता पनि प्रदेश सरकारको सामाजिक विकास मन्त्रालयबाट प्राप्त सिमित (परिक्षण किट) साधनश्रोत भित्र रहेर अबस्था जाँच गर्नको लागि २५ जनाको मात्र ¥यापिड परिक्षण गरेका थियौं ।’

विश्वव्यापी महामारीका रुपमा फैलिएको कोरोना भाइरसको रोकथाम तथा नियन्त्रण गर्न परिक्षणको दायरालाई बढाउनुपर्ने अध्यक्ष बस्नेतले बताए ।
बजेटको अभावका कारण तथा परीक्षण कीटको अभावका कारण सबैको चेकजाँच गर्न सम्भव नभएको जसका लागि संघीय सरकारसँग माग गरिएको उनले बताए ।कोरोना भाइरस संक्रमण रोकथाम तथा नियन्त्रण गर्न गाउँपालिकाले समाजिक दुरी कायम गर्ने, नेपाल सरकारले गरेको लकडाउनलाई प्रभावकारी बनाउन विभिन्न सचेतनामुलक कार्यक्रमहरु संचालन गर्नुको साथै साबुन, मास्क, सेनिटाइजर बितरण गर्ने कामहरु भईरहेको अध्यक्ष बस्नेतले जानकारी दिए । कोरोना भाइरसको नियन्त्रणका लागि गाउँपालिकाले तीन ठाउँमा क्वारेन्टाइन र स्वास्थ्य सहायता कक्ष स्थापना गरेको अध्यक्ष बस्नेतले जानकारी दिए ।

सरकारले गरेको लकडाउनबाट दैनिक ज्यालादारी गरेर खाने मजदुर र किसानलाई गाउँपालिकाले एकद्धार प्रणालीअन्तर्गत राहत प्याकेजको कार्यक्रम ल्याउने प्रक्रियामा रहेको अध्यक्ष बस्नेतले जानकारी दिए ।