काठमाडौं । राष्ट्रिय प्रजातन्त्र पार्टीले राष्ट्रपतिले सोमबार जारी गरेका दुई अध्यादेश फिर्ता लिन आग्रह गरेको छ।

सत्तारुढ दलको पार्टीभित्रको खिचलोले मुलुक राजनीतिक अस्थिरताको दलदलमा फस्ने खतरा देखिएको भन्दै राष्ट्रिय प्रजातन्त्र पार्टीले राजनीतिक दल सम्बन्धी र संवैधानिक परिषद सम्बन्धि अध्यादेश संविधानको भावनाविपरीत रहेको ठहर्‍याएको छ।

कोभिड १९ को महामारीविरुद्ध सिंगो देश एकजुट भएर लाग्नुपर्ने बेलामा राजनीतिक दल सम्वन्धि अध्यादेशले दल विभाजनलाई प्रोत्सिहत गर्ने, राजनीतिक अस्थिरता बढ्ने र प्रजातन्त्रलाई धरापमा पार्ने टड्कारो सम्भावना देखिने पार्टीले जनाएको छ।