काठमाडौँ । नेपाल टेलिकमले वितरित सिम कार्डमा ब्यालेन्स न्यून भई लकडाउनमा आफन्तसँग सम्पर्क गर्न नपाएका करिब २ लाख व्यक्तिलाई निःशुल्क सेवा दिने भएकाे छ ।

अर्थ र सञ्चार तथा सूचना प्रविधिमन्त्री युवराज खतिवडाको पहलमा टेलिकमले उक्त सेवा दिन लागेकाे हाे। उक्त नि:शुल्क सेवा आज राति १२ बजेबाट लागू हुनेछ।

ब्यालेन्स न्यून भएर कल गर्न असमर्थ नम्बरको लागि निम्न अनुसार प्याकेज प्रदान गरिने जनाइएकाे छ।

१. निम्न अनुसारको जिरो ब्यालेन्स प्याकेज उपलब्ध गराउने:
a. २५ वटा अन-नेट एसएमएस
b. ५० मिनेट अन-नेट भ्वाइस
c. १०० एमबी डाटा
d. प्याकेजको अवधि ७ दिनको हुने

२. सो प्याकेज आगामी २ दिनसम्म उपलब्ध गराइनेछ।
३. सो प्याकेज प्राप्त गर्ने ग्राहकहरूलाई एसएमएसमार्फत् जानकारी पठाइने
४. सो एसएमएसको निर्धारित जवाफ एसएमएसमार्फत् पठाएर प्याकेज लिन सकिने
५. सो प्याकेज लिन अयोग्य नम्बरमा पनि प्याकेज प्रदान गर्न नसकिएको सन्देश पठाई जानकारी गराइने
६. सो प्याकेज कम्पनीका जिएसएम तथा सिडिएमए प्रिपेड ग्राहकलाई माथिको नियमअनुसार उपलब्ध गराइने