काठमाडौं । काठमाडौंको वडा न. २८ स्थित बागबजार युवा क्लबले खुलामञ्चमा करीब ४ सय जना सर्वसाधरणलाई खाना खुवाएको छ । लकडाउनको अवधिभर हरेक दिन बिहान ९ बजेदेखि ११ बजेसम्म खाना खुवाइने जनाइएको छ ।

लकडाउनले अलपत्र परेका ब्यक्तिहरुलाई प्रगतीमान रञ्जितको आर्थिक सहयोगमा युवा समुहले खानाको प्रबन्ध मिलाएको हो ।

समुहका अध्यक्ष अरुण तण्डुकारले अब लकडाउन नखुलुन्जेलसम्म खुलामञ्च आइपुग्ने जो कोहीलाई खाना खुवाउने बताए । यो समुहले सडकका कुकुर तथा बाँदरलाई समेत खाना दिदै आएको छ ।