काठमाडौं । नेपाल आयल निगमले उद्योग सञ्चालन अनुमति लिएर ग्यास उत्पादन नगर्ने ५० उद्योगको अनुमति खारेज गरेको छ । नेपाल आयल निगमले ३ पटकसम्म सुचना जारी गर्दा पनि अनुमति लिने तर उद्योग निर्माण र उत्पादन नगर्ने ती उद्योगहरुको अनुमतिपत्र खारेज गरिएको हो ।

२०७१ माघ १४ गतेपछि ५३ ग्यास उद्योगले नयाँ तथा शाखा उद्योग सञ्चालन गर्नेभन्दै अनुमतिपत्र लिएको तर ग्यास उत्पादन नगरेका कारण निगमले उनिहरुलाई पटक पटक सम्पर्क गर्न आग्रह गर्दा पनि उनीहरु सम्पर्कमा नआएपछि आजदेखि खारेज भएका छन् ।

३ वटा उद्योगहरु भने निर्माण सम्पन्न गरी पिडिओ प्राप्तिका निगमको सम्पर्कमा आएका छन् । ३ वटा उद्योग मध्ये सैपाल ग्यास उद्योग प्रालि कैलाली, सगरमाथा ग्यास इन्डस्ट्रिज प्राली नवलपरासी र सिता ग्यास उद्योग प्रालि धादिङलाई मात्रै पिडिओ जारी गरिएको निगमको विज्ञप्तिमा उल्लेख गरीएको छ ।