काठमाडौंं । विश्वका लागि स्वास्थ्य क्षेत्रमा ठूलो चुनौति बनेको कोरोना भाइरसको नियन्त्रण गर्नका लागि थुप्रै देशले विभिन्न उपायहरु अपनाइ रहेका छन् । यसैबीच कोभिड-१९ को संक्रमणलाई फैलिन नदिन भन्दै अख्तियार दुरुपयोग अनुसन्धान आयोगले आफ्नो हिरासतमा रहेका आरोपीलाई धरौटी लिएर हिरासतमुक्त गरेको छ ।

हालसम्म अख्तियारले १२ जना आरोपीलाई धरौटी लिएर हिरासतमुक्त गरेको छ। जसमध्य घुससहित रंगेहात समातिएका केही घटनाका व्यक्ति पनि हिरासतमुक्त भएका छन् । घटनाबारे बताउन नमिल्ने भन्दै हिरासतमुक्त भएका व्यक्तिको परिचय भने अख्तियारले गोप्य नै राखेको छ ।

देश कोरोनासँग लडिरहेको यस समयमा आफ्नो रिहाइको लागि धेरिजसो थुनुवाहरुले माग राखेता पनि लकडाउनकै कारणले गर्दा कतिपय थुनुवाको समयावधि अन्त्य भईसक्दा पनि उनीहरु हिरासतमै बस्न बाध्य छन्। १ र२ दिनको समयावधि पछि रिहा हुने थुनुवा पनि लकडाउन अनत्य हुने दिन कुरिरहेका छन्। यहि आवस्थामा आयोगले धरौटी लिएर भ्रस्टचार जस्तो जघन्य अपराध गर्नेलाई भने छोडिरहेको छ ।

हुनसक्ने सजाय र हिरासतमा बसेको अवधि समेतलाई मध्यनजर राख्दै आयोगले थुनुवा छोडेको हो भनेतापनि भ्रस्टचार जस्तो जघन्य अपराध गर्नेलाई कोरोनाको कुनै प्रभाव नपर्नु पर्ने हो।

यस्तो अवस्थामा कोरोनालाई बहाना बनाएर अख्तियारले घुसियाहरुलाई उम्काउने षडयन्त्र त बुनेको हैन । लकडाउनकै कारण यसरी सजाय सकिएका मानिस समेत कानुनी प्रक्रियाका कारण थुनामा बस्न बाध्य भएको अवस्थामा अख्तियारको यो कदम कतिको उचित होला ?

आयोगले अरु थुनुवा बराबरको तवरबाट हिरासतमा रहेका आरोपीलाई हिरासतमुक्त नगरी कोरोना प्रभावलाइ ध्यानमा राखी तिनीहरुका लागि छुटै स्थान पो मिलाउने हो कि ?