जाजरकोट । छेडागाड नगरपालिकामा र्‍यापिड टेष्ट  टेस्ट गरेका सबैको रिपोर्ट नेगेटिभ आएको छ । आज शुक्रबार टेस्ट गरिएका सबैको रिपोर्ट नेगेटिभ आएको नगरपालिका प्रमुख लालबहादुर महताराले जानकारी दिए ।

नगरपालिका तथा वडा कार्यालयले निर्माण गरेका, क्वारेन्टाईनमा रहेका साथै सेल्फ क्वारेन्टाइनमा रहेका भारत तथा तेस्रो मुलकबाट आएका बिभिन्न वडाका २१ जनाको जाँच गरिएको र सबैको रिपोर्ट नेगेटिभ आएको महताराले जानकारी दिए । नगरपालिकाभित्र सचेतना दिनुका साथै लकडाउन प्रक्रियामा कडाई गरिएको पनि उनले बताए ।

लकडाउनको कारण ज्यालामजदुरी गरि खाने, खाद्य संकट भएका र अभावमा रहेकालाई नगरपालिकाले अनुभूति गर्नेगरि राहत छिट्ठै बितरण गर्ने उनले बताए । अहिले तथ्यांक संकलन भइरहेको र तथ्यांक आउन साथ छिटै राहत बितरण गरिने नगर प्रमुख महताराको भनाइ छ ।

Rapid टेस्ट गर्नुपर्ने केशहरु क्वारेन्टाईनमा १४८ जना भएपनी किटहरु सिमितमात्रामा उपलब्ध भएकोले २१ जनाको मात्रै Rapid Diagnostic टेस्ट गर्न सकिएको साथै जिल्लामा आईसकेपछी छुटेका १२७ जना ब्यक्तिहरुको स्वास्थ्य सेवा कार्यालय जाजरकोटसंगको सहकार्यमा टेस्ट गरिने नगरपालिकाका निमित्त प्रमुख प्रशासकिय अधिकृत झलक के।सी।ले बताए ।

च्म्त् टेस्टको लागि जिल्ला अस्पताल व्यवस्थापन समितिका अध्यक्ष धर्मसिला बस्नेतको संयोजकत्वमा स्वास्थ्य सेवा कार्यालय जाजरकोटका डाक्टर ‌औशर सिंह राठोर सहितको टिम आएको थियो ।