काठमाडौँ । राष्ट्रिय प्रजातन्त्र पार्टीको गैर सरकारी संस्था समन्वय विभागले काठमाडौँको काँडाधारीमा अवस्थित फ्युचर होप नेपाल नामक बाल आश्रममा खाद्यान्न वितरण गरेको छ ।

गैर सरकारी संस्था समन्वय विभाग प्रमुख कुन्ती पोखरेल तथा सदस्य कैलाश न्यौपानेको सहभागितामा नुन, तेल, चामल, चना लगायतका खाद्यान्न वितरण गरिएको हो ।

देशभर भइरहेको लकडाउनको प्रत्यक्ष असर भोगिरेको उक्त बाल आश्रममा २३ जना बालबालिका रहेको आश्रमकी सञ्चालक रिता सिवाकोटीले जानकारी दिइन् ।

राहत हस्तान्तरण कार्यक्रममा पार्टीकी विभागीय प्रमुख पोखरेलले आफ्ना बाबुआमा यो संसारमा नभएका बालबालिकाहरूलाई आफ्नो पनको अनुभूति गराएको जनकारी दिइन् । उनले भनिन् ‘यो विषम परिस्थितिमा बालबालिकाहरूको लागि सहयोग गर्न पाउँदा मन हलुका भएको छ । विपद्को समयमा हामी सबै मिलेर एक अर्कालाई सहयोग गर्नुपर्छ ।