धरान । लकडाउनको समयमा तास खेलिरहेका महिलासहित ८ जनालाई प्रहरीले धरानको एक घरबाट पक्राउ गरेको छ । पक्राउ पर्नेमा पाँच महिला र तीन पुरुष छन् । उनीहरुलाई धरान १६ स्थित वृहस्पति मार्गको एक घरबाट प्रहरीले पक्राउ गरेको हो । जुटपत्ती खेलिरहेको अवस्थामा प्रहरीले उनीहरुलाई पक्राउ गरेको हो । स्थानीयले दिएको सुचनाको आधारमा प्रहरीले उनीहरुलाई नियन्त्रणमा लिएको हो ।

प्रहरीलाई खबर गर्ने स्थानीय व्यक्तिहरुले भने उक्त घरमा पहिलादेखि नै तास खेलिरहेको दाबी गरेका छन् । सुचना दिएपछि प्रहरीले पक्राउ गरेको उनीहरुको भनाई छ । पक्राउ पर्नेहरुको एउटा बुलेट मोटरसाइकल पनि भएको स्थानीयले बताए ।