काठमाडौ । धनगढी तर्फ जाँदै गरेको कार डोटीमा दुर्घटना भएको छ । डोटीको जोरायल गाउँपालिका वडा नम्बर १ घण्टेश्वरको घोरडीमा आज से १ च २३८८ नम्बरको कार दुर्घटना हुँदा ६ जना घाईते भएको प्रहरीले जनाएको छ ।

डडेल्धुराबाट धनगढीतर्फ जाँदै गरेको कार आज बिहान पौने १० बजेतीर दुर्घटना हुँदा ६ जना घाईते भएको डोटी प्रहरीले जनाएको छ।

उक्त कारले जिल्ला प्रशासन कार्यालयबाट सवारी पास लिएको पाईएको घण्टेश्वर प्रहरी चौकी गैराका प्रहरी हवल्दार शम्भुसिहं धामीले जानकारी दिए ।

धामीका अनुसार घटनामा परी घाइते हुनेमा चालक मान बहादुर थापा सहित डडेल्धुराकै रामचन्द्र अवस्थी, रतन भण्डारी, आरन बहादुर थापा, एलिजा थापा र मान्धरी थापा रहेका छन्। चालक थापाको खुट्टाको रड निकाल्न भन्दै प्रशासनबाट सवारी पास लिएको पाईएको प्रहरीले जनाएको छ ।