काठमाडौँ । राष्ट्रिय प्रजातन्त्र पार्टी (राप्रपा) की एनजीओ विभागीय प्रमुख कुन्ती पोखरेलले यो सरकार माथि औला उठाउने र प्रश्न गर्ने समय नभएको बताएकी छिन् ।

उनले नयाँ वर्षको शुभकामना व्यक्त गर्दै उक्त कुराको जानकारी दिएकी हुन् । संसार हाल महामारीको अवस्थामा गज्रीरहेकाले सरकाले गरेका कदममा कुनै पनि पार्टी, सङ्घ संस्था र राष्ट्रका जनताहरूले सरकारको चालेको कदमा सहजकर्ताको भूमिका निर्वाह गर्नु पने बताएकी हुन् ।

उनले भनेकी छिन् ‘नयाँ वर्ष २०७७ सालको उपलक्षमा देश तथा विदेशमा बसोबास गर्नुहुने सम्पूर्ण देशवासीमा शुभकामना । हाल देश मात्र नभएर संसार नै महामारीको अवस्थामाबाट गुज्रिरहेको छ । यस्तो अवस्थामा हामीले सरकारले गरेका कार्यमा माथि औला उठाउने, उनीहरूमाथि प्रश्न गर्ने, राजनीति गर्ने समय विल्कुलै हैन । यस्तो विषम परिस्थितिमा मेरा मातहतमा रहनुभएका सम्पूर्ण सहकर्मी तथा विद्यार्थी सङ्गठनका साथीहरूले गएको वर्षमा देखाउनुभएको सहायोगकालागि धन्यवाद दिँदै आगामी वर्षमा पनि उत्साहजनक कार्य गर्ने जोस कायम रहोस् भन्ने शुभकामना व्यक्त गर्न चाहन्छु ।’

उनले थपिन साथै मेरा पार्टिका साथीहरू तथा हामीलाई मार्ग निर्देश गर्नुहुने मेरा सम्पूर्ण अग्रजहरूलाई महामारीको समयमा आफ्नो लागी मात्र नभई नागरिकका हितमा काम गर्ने तथा कार्यकर्ताको सुझाव सुन्न सक्ने समर्थका साथ सकारात्मक सोचको विकास होस भन्दै नयाँ वर्ष २०७७ शुभकामना व्यक्त गर्दछु ।’