कोरोना भाइरस (कोभिड १९) का कारण अमेरिकामा हालसम्म साढे २३ हजारभन्दा बढीको मृत्यु भएको छ ।

सोमबार मात्रै अमेरिकामा १ हजार ५१६ को मृत्यु भए संगै मृत्यु हुनेको संख्या २३ हजार ६२१ पुगेको हो । अघिल्लो साताको तुलनामा मृत्यु र संक्रमणका घटनामा कमी आए पनि उल्लेख्य रुपमा घट्न भने सकेको छैन ।

संक्रमितको संख्या ५ लाख ८६ हजार ८६६ पुगेको छ ।
अमेरिकाको सबैभन्दा बढी प्रभावित राज्य न्यूयोर्कमा मात्रै १० हजार भन्दा बढीको ज्यान गइसकेको छ । त्यहाँ सोमबार ६७१ को मृत्यु भएको छ ।