काठमाडौं । आइतबार चीनमा एक सय ८ जना नयाँ कोरोना संक्रमित भेटिएका छन् ।

कोरोना भाइरसको उद्गमस्थल मानिएको चीनको हुवेईस्थित वुहानमा सरकरारले ७८ दिन लामो लकडाउन हालै अन्त्य गरेको छ। सुरुमा चीनमा मात्र बढी देखिएको यो भाइरस हाल विश्वका सबैजसो देशमा पुगिसकेको छ।

हालसम्म कोरोना संक्रमितको संख्या १८ लाख ५१ हजार ५ सय ३१ पुगेको जोन होप्किन्स विश्वविद्यालयले तथ्यांक तयार गरेको छ। यसैगरी यी मध्ये ४ लाख ३४ हजार ७ सय ९३ जना निको भइसकेका छन्। भने १ लाख १४ हजार भन्दा बढी मानिसको मृत्यु भइसकेको छ।

चीनमा मात्रै ८३ हजार १ सय ३५ जनामा यो रोगको संक्रमण देखिएको छ तर ७७ हजार ९ सय ५६ जना निको भइसकेका छन् ।

चीनमा यो रोगका कारण ३ हजार ३ सय ४३ जनाको मृत्यु भएको विश्वविद्यालयको तथ्यांक छ।