एजेन्सी । भारतमा कोरोना संक्रमित युवतीमाथि बलात्कार भएको छ । उनको आइसोलेसन वार्डमा बलात्कार भएको हो । उनी गर्भवती थिइन् ? उनको शरीरबाट अत्याधिक रगत बगेको कारण भारतको गया जिल्लाको अनुराग नारायण महत अस्पतालमा गर्भपतन गराउने क्रममा उनमा कोरोनाको संक्रमण देखिएको बताइएको थियो ।

कोरोना संक्रमण देखा परेपछि ति युवतीलाई आइसोलेसन वार्डमा राखिएको थियो । उपचारका क्रममा उनलाई अस्पतालमा केही दिन राखिएको र केही परिक्षण पश्चात उनमा कोरोनाको संक्रमण नभएको भन्दै उनलाई अस्पतालले डिस्चार्ज गरेको थियो । तर, डिस्चार्ज भएतापनि उनको रगत बग्ने क्रम भने जारी नै रह्यो उनको अत्याधिक रगत बगेको कारण ६ अप्रिलमा मृत्यु भयो ।

मृत्युको अन्तिम क्षणमा उनले आफूमाथि चिकित्सकले बलात्कार गरेका भन्दै आरोप लगाइन् । उनको बयानपछि प्रहरीले अनुसन्धान अघि बढायो । अनुसन्धानको क्रममा प्रहरीले अस्पतालको सीसीटिभी फूटेज नियन्त्रणमा लियो । उक्त फूटेजमा दुई जना मानिस चिकित्सकको पोशााक लगाई युवती रहेको आइसोलेसन वार्डमा पसेर युवतीको बलात्कार गरेको देखापरेको जनाइएको छ । ती दुवै आरोपीलाई प्रहरीले हिरासतमा राखिसकेको छ । ति आरोपितमाथि अनुसन्धान भैरहेको प्रहरीले जनाएको छ ।