कोरोना भाइरसले संक्रमित भएपछि लण्डनस्थित सेन्ट टमस अस्पतालमा उपचाररत बेलायती प्रधानमन्त्री बोरिस जोनसनको स्वास्थ्यमा लगातार सुधार हुँदै गएको छ।

उनलाई आइसियुबाट निकालेर नर्मल वार्डमा सारेसँगै स्वास्थ्यमा सुधार आएको प्रधानमन्त्री कार्यालयका प्रवक्ताले जानकारी दिएका छन्।

कोरोना भाइरसबाट संक्रमित भएपछि उनी होम क्वारेन्टाइनमा चिकित्सकको निगरानीमा बसेका थिए। स्वास्थ्यमा समस्या आएपछि उनी आइसियुमा भर्ना भएका थिए। बेलायतमा कोरोना भाइरसको संक्रमण तीव्ररुपमा फैलिरहेको छ। शुक्रबारसम्म त्यहाँ ८ हजार ९५८ जनाको मृत्यु भइसकेको छ भने ७३ हजार ७ सय बढी संक्रमित रहेका छन्।