काठमाडौँ । संसार भर महामारीको रुपामा फैलिएको कोरोना भाइरसका कारण मृत्यु हुनेको सङ्ख्या एक लाख माथि पुगिसकेको छ । यस्तो अवस्थामा पछिल्लो २४ घण्टामा अमेरिकामा मात्र यसबाट दुई हजार भन्दा बढीको मृत्यु भएको छ ।

यो सङ्ख्या एउटै देशमा २४ घण्टा भित्र मृत्यु हुनेहरूको सङ्ख्या अत्याधीक हो । यसअघि २४ घण्टाभित्र यत्तिका धेरै मृत्युदर थिएन । करोनाभाइरसको सङ्क्रमणका कारण अमेरिकामा २४ घण्टाभित्र २ हजार १ सय ८ जनाले ज्यान गुमाए छन् ।

अमेरिकामा सङ्क्रमितको सङ्ख्या पाँच लाख नाघेको छ भने १८ हजार ६ सय बढीको ज्यान गइसकेको छ ।