काठमाडौँ । करोनाभाइरस (कोभिड–१९) को सङ्क्रमणको जोखिमलाई मध्यनजर गर्दै तारामण्डल महिला सशक्तीकरण अभियानले सरकारी होस्टेलका विद्यार्थीहरू सहित विभिन्न जिल्लाबाट काठमाडौँमा कोठा भाडामा बसेर पढ्दै गरेका विद्यार्थीहरूलाई समेत राहत सामग्री वितरण गरेको छ ।

बिहीबार सोयम्भुमा रहेको विजेश्वरी होस्टेलमा उपस्थित भएर तारामण्डलले विद्यार्थीहरूलाई खाद्यान्न वितरण गरेको हो । संस्थाले हुम्ला, जुम्ला कालिकोट जस्ता पिछडाएका जिल्लाबाट त्रिभुवन विविश्वोविध्यालयमा अध्ययनरत विद्यार्थीहरूलाई समेत वितरण गरेको हो । पढ्नका लागि आएका विद्यार्थीहरूलाई लकडाउनले उत्पन्न गराएको समस्याले पढाइमा असर नपुगोस् भन्ने हेतुले राहत वितरण गरेको तारामण्डलकी अध्यक्ष कुन्ती पोखरेलले बताइन।

विद्यार्थीका प्रतिनिधित्व गर्दै महेश सिंहले दैनिकी काम गर्दै र त्यही प्राप्त भएको पैसाले पढे र आफ्नो जिवोनोयपन गर्दै आएका विद्यार्थीहरूलाई लकडाउनले नकारात्मक असर ल्याएको र सरकारले यस विषयमा ध्यान दिनु पर्ने बताएका छन् र यसका साथसाथै उनले तारामण्डललाई विशेष धन्यवाद दिएका छन्।

तारामण्डलले बुधवार पनि महानगरपालिका सहित चार नगरपालिकामा समेत राहत सामग्री हस्तान्तरण गरेको थियो ।