काठमाडौँ । राष्ट्रिय प्रजातान्त्रिक युवा संगठनले कोरोना भाइरस नियन्त्रण तथा सचेतना अभियानको कार्यान्वयनमा ध्यान दिन सरकारसँग आग्रह गरेको छ । सरकारले हालसम्म गरेका कार्य र प्रयास सही भएको र व्यवस्थापकीय कार्य क्षमता तथा कार्यशैलीमा सुधार गर्न संगठनले सुझाव दिएको छ ।

लकडाउनको अवधि बढाउने सरकारको निर्णयलाई सकारात्मकरूपमा लिएको जनाउँदै राष्ट्रिय प्रजातान्त्रिक युवा संगठनद्वारा जारी विज्ञप्तिमा अझ अनुशासित एवं मर्यादित ढङ्गले सफल तुल्याउन सम्पूर्ण नेपालीसमक्ष अनुरोधसमेत गरेको छ ।

संगठनले सम्पूर्ण नेपालीको स्वास्थ्य र सुरक्षामा आहोरात्र खटिने स्वस्थ्यकर्मी, सुरक्षाकर्मी लगायत सबैप्रति कृतज्ञता व्यक्त गरेको छ । साथै आहिलेको यस विषम परिस्थितिमा सबैले आआफ्नो ठाउँबाट स्थानिय सरकार , संघ / संस्था, राजनीतिक दल लगाएतसित समन्वय गरि राहत संकलन तथा वितरणमा आवश्यक दायित्व पुरा गर्न आग्रह गरेको छ ।