काठमाडौँ । कोरोनाभाइरस (कोभिड–१९) को सङ्क्रमणको जोखिमलाई मध्यनजर गर्दै बुढानीलकण्ठ प्याब्सनले बुढानीलकण्ठ नगरपालिकाकालाई सहयोग रकम हस्तान्तरण गरेको छ ।

प्याब्सनले बुधवार नगरपालिकामा नै उपस्थित भएर खाद्यान्न समस्या भएका गरिब र विपन्न परिवारका लागी राहत सामग्री खरिद सहयोगका लागि दुई लाख पाँच हजार ५५५ रुपैयाँ नगद हस्तान्तरण गरेको हो ।

बुढानीलकण्ठ प्याब्सनका अध्यक्ष खेमराज घिमिरेका अनुसार उक्त नगरमा रहेका ४४ वटा विद्यालय मध्य ३८ वटा विद्यालयहरूको सहयोगमा उक्त रहम हस्तान्तरण गरिएको हो ।

अध्यक्ष घिमिरेले भने ‘विपतमा परेका जनतालाई राहत मिलोस् भनेर यो रकम नगरपालिकालाई सहयोग गरेका हौँ । यसको सही सदुपयोग हुन्छ भन्ने आस गरेका छौँ’ ।