काठमाडौँ । सोमबार नेपाल सरकारबाट राष्ट्र बैङ्कको १७ औँ गभर्नरको रूपमा नियुक्त भएका महाप्रसाद अधिकारीले पदभार ग्रहण गरेका छन् ।

मङ्गलवार राष्ट्र बैङ्कमा गएर नवनियुक्त गभर्नर अधिकारीले पदभार ग्रहण गरेका हुन् ।

पदभार ग्रहणअघि अधिकारीले राष्ट्र बैङ्कमा आयोजित विशेष कार्यक्रममा बैङ्कका कर्मचारीहरूलाई सम्बोधन गरेका थिए ।

उनले सर्वोच्च अदालतमा आयोजित एक कार्यक्रममा प्रधान न्यायाधीश चोलेन्द्रशम्शेर राणाबाट पद तथा गोपनीयताको शपथ लिएका थिए ।

राष्ट्र बैङ्कमा यसअघि ३० वर्ष काम गरेर ४ वर्षअघि बाहिरिएका अधिकारी गभर्नरको रूपमा फेरि प्रवेश गरेका हुन् र उनले अबको ५ वर्ष राष्ट्र बैङ्कको नेतृत्व गर्नेछन् ।