काठमाडौँ । अन्तर्राष्ट्रिय उडानमा सरकारले लगाएको प्रतिबन्ध वैशाख ३ गते सम्मका लागि लम्बिएको छ ।

आइतबार बसेको कोरोना रोकथाम उच्च समन्वय समितिको बैठकले अन्तर्राष्ट्रिय उडानमा लगाएको प्रतिबन्ध लम्ब्याउने घोषणा गरेको हो ।

यस अघि सरकाले चैत्र ९ गतेबाट चैत्र १८ गते सम्म अन्तर्राष्ट्रिय उडानमा प्रतिबन्ध लगाउने निर्णय भएको थियो । आइतबारको उच्च समन्वय समितिको बैठक पछि यो लम्बिएर वैशाख ३ (अप्रिल १५ सम्म) पुगेको हो ।