कोरोना भाइरस (कोभिड–१९) परीक्षणको नतिजा पाँच मिनेटमै दिन सक्ने प्रविधि तयार भएको छ । अमेरिकाको एबोट कम्पनीले यो मेसिन तयार गरेको हो ।

यो मेसिनले पाँच मिनेटमा प्रयोगशालाको झन्झट बिना नै नतिजा दिनसक्ने बताइएको छ । अहिले समग्र विश्वले कोरोना भाइरसको महामारीको सामना गरिरहेको अवस्थामा विकास गरिएको यो प्रविधि आगामी दिनमा भाइरस नियन्त्रणको लागि समेत निकै महत्वपूर्ण सावित हुने अपेक्षा छ ।

आगामी साताबाट दैनिक ५० हजारको दरले यो मेसिन निर्माण सुरु हुन सक्ने बताइएको छ । अहिले अमेरिकामा यसलाई भाइरस परीक्षणको अनुमति दिइए पनि यसको नतिजा कति प्रतिशत सही छ भन्ने कुरा भने सार्वजनिक गरिएको छैन ।