काठमाडौँ । कोरोना भाइरस (कोभिड १९) को सङ्क्रमणको जोखिम बढेपछि सरकारले एक साताको लागि सिङ्गो देशलाई नै लक डाउन गरेको छ ।

निर्णयलाई पालन नगर्ने र अनावश्यक रूपमा सडकमा निस्कने विरुद्ध प्रहरीले कारबाही गरिरहेका छन् । कतिपय ठाउँमा लक डाउन उल्लङ्घन गर्नेलाई प्रहरीले लट्ठी हानेको, उठबस गराएको भिडियोहरु सामाजिक सञ्जालमा भाइरल भइरहेका छन्।

यसै सन्दर्भमा मोरङको उर्लाबारी नगरपालिकाको भिडियो पनि भाइरल भएको छ। उक्त भिडियोमा सुरक्षाकर्मीसँग मुखमा मास्क, क्याप र जिन्सको पाइन्ट लगाएर हात तेर्साउदे एक व्यक्ति ए त्यो डन्डा ले ले छिटोले भन्दै गरेका देखिन्छन् । उनले डन्डा हातमा पर्नासाथ बाइकमा भएकाहरूलाई खेदाउन थाल्छन् ।

यी व्यक्ति हुन मोरङका उर्लाबारी नगरपालिकाको मेयर खड्ग बहादुर फागो । सरकारको निणयको पालना स्थानीयवासीले नगरेपछि फागो आफैँ बाटोमा उत्रिनु परेको उनले बताए।

नेपाली सञ्चारमाध्यम सावजनीक भएको एक अन्तरवार्तामा उनले भनेका छन् (सुरक्षा गार्डलाई टेर्ने अवस्था नभएकाले लट्ठी उठाउन परयो मेयरले नै लट्ठी हान्नु पर्ने थियो र ? भने प्रश्नमा उनले भने लट्ठी हान्नुपर्ने अवस्था आयो अहिले मेयरले कुट्नु हुन्न भनेर प्रश्न आउँछ, मेरो पनि परिवार छन् । मलाई पनि त घरभित्र बस्न मन छ । तर १/२ जनाले गर्दा भोलि समाजलाई नै अप्ठ्यारो पर्नु भएन ।

उनले सम्झाएको तर कोसैले नमानेको बताउदै भन्दै भोलिको दिनमा इटाली र स्पेनको जस्तो लास उठाउनु भन्दा , डन्डा हान्दा नै बेस बताएका छन् ।