काठमाडौं । चीनको वुहानबाट सुरु भएको कोरोना भाइरस शुक्रबारसम्म विश्वका १९९ देशमा पुगिसकेको छ । अहिलेसम्म कोरोनाका कारण विश्वभर २४ हजार ९३ मानिसले ज्यान गुमाइसकेा छन् ।

विश्वका ५० भन्दा धेरै देशका २ अर्ब मानिस अहिले घरमा बन्दी बनेका छन् । कोरोना भाइरससँग लड्नका लागि संसारभरीका देशले कडा कदम उठाइरहेका छन् ।

सिंगापुरमा पनि शुक्रबारबाट लागू हुने गरी नयाँ नियम तोकिएको छ । नयाँ नियम अनुसार जो व्यक्तिले अर्को व्यक्तिसँग एक मिटर अर्थात् करिब ३.३ फिटको दुरी कायम गर्दैनन् उनीहरुलाई १० हजार सिंगापुर डलर (करिब ८ लाख ३८ हजार रुपैयाँ) अथवा ५ महिनाको जेल सजाय वा दुबै तोकिने छ । सिंगापुरको स्वास्थ्य मन्त्रालयले यसबारे जानकारी दिएको हो ।