काठमाडौं । देशका विभिन्न क्षेत्रमा रहेका ३ सय ४ जना जना युरोपेली नागरिक कतार एयरवेजको चार्टर उडानमार्फत् स्वदेश फर्केका छन् । आज कतार एयरवेजको जहाजले काठमाडौंबाट फ्रान्सका लागि उडान भरेको हो ।

बिहान ९ बजेर ३५ मिनेट जाँदा त्रिभुवन अन्तर्राष्ट्रिय विमानस्थलका अवतरण भएको कतार एयरवेजको ए ३३० जहाजले ३ सय ४ जना युरोपका विभिन्न देशको नागरिक लिएर गएको नेपाल नागरिक उड्डयन प्राधिकरकणमा महानिर्देशक राजन पोखरेलले जानकारी दिए ।

उक्त जहाज जर्मन दूतावासले चार्टर गरेको थियो भने परराष्ट्र मन्त्रालय हुँदै नेपाल नागरिक उड्डयन प्राधिकरणबाट विशेष पास लिएको थियो । यसैगरी, भोलि शनिवार पनि कतार एयरको चार्टर जहाज नेपाल आउने पोखरेलले जानकारी दिए ।

भोलिको उडानमा पनि युरोपियन नागरिक नै जाने छ। जहाज चार्टर भने जर्मन दूतावासले गरेको हो ।