काठमाडौं । कोरोना भाइरसका कारण मुलुक नै लकडाउन भएका बेला नेपाल दूरसञ्चार प्राधिकरणले मोबाइल सेवा प्रदायक कम्पनीलाई रिचार्जमा शतप्रतिशत बोनस दिन निर्देशन दिएको छ।

प्राधिकरणको मंगलबारको बैठकले शतप्रतिशत बोनस र २ सय रुपैयाँ रिचार्ज बराबरको सापटी दिन निर्देशन दिने निर्णय गरेको हो ।

प्राधिकरणका प्रवक्ता मिनप्रसाद अर्यालका अनुसार यो विषम् परिस्थितिमा सापटी रकममा कुनै प्रकारको अतिरिक्त शुल्क लिन पाइने छैन । प्राधिकरणको यो निर्णय नेपाल टेलिकम, एनेसल लगायत मोबाइल सेवा प्रदायक कम्पनीहरुले कार्यान्वयन गर्नुपर्नेछ ।