चीनको वुहानमा पाँच दिनको शून्यतापछि फेरी कोरोना भाइरस देखा परेको छ । वुहान सहरमा पाँच दिनसम्म कोरोना भाइरस शून्य भएको थियो । उक्त स्थानमा केही दिनयता सङ्क्रमण घट्दै गएको थियो र पाँच दिनदेखि कुनै पनि नयाँ सङ्क्रमण देखिएको थिएन ।

अहिले चीनभित्रबाट भन्दा पनि बाहिरबाट सङ्क्रमण भित्रिरहेको चिनियाँ अधिकारीहरूले बताएका छन् । विगत २४ घण्टामा चिनियाँ मुख्य भूभागमा ८० वटा नयाँ सङ्क्रमण पाइएको बीबीसीमा खबर छ । सङ्क्रमित व्यक्तिमध्ये चार जना बाहेक बाँकी सबै चीन बाहिरबाट आएको अधिकारीहरूको भनाइ छ ।