काठमाडौँ । कोरोनाको आक्रमण बढेसँगै १७ वटा आन्तरिक विमानथलहरुले आइतबार (आज) देखि हेल्थ डेस्क राखेका छन् ।

हेल्थ डेस्क राखिने विमानस्थल मध्ये पोखरा, नेपालगञ्ज, सिमरा, विराटनगर, गौतम बुद्ध, राजविराज, जनकपुर, भरतपुर सुर्खेत, सिमिकोट, धनगढी, दाङ, डोल्पा, ताप्लेजुङ, लुक्ला, भोजपुर र जुम्ला विमानस्थलमा हेल्थ डेस्क राखेको नागरिक उड्डयन प्राधिकरणका सूचना अधिकारी त्रिलोचन पौडेलले बताए ।

पौडेलले भने तत्कालको लागि १७ वटा विमानस्थलमा हेल्थ डेस्क राखेका छौँ । अब बिस्तारै सबै आन्तरिक विमानस्थलमा राख्ने विषयमा छलफल भइरहेको छ ।

फ्लाइटको समयमा १७ वटै विमानस्थल एक जना स्वास्थ्य सहायक साथै स्टाफ नर्स अनिवार्य रूपमा रहने प्राधिकरणले जनाएको छ ।