काठमाडौँ । करोनाभाइरसले विश्वलाई त्रासीत पारिरहेका बेला नेपालमा पनि यसको असर देखिन थालेको छ ।

कोरोनाको प्रभावलाई रोक्न सरकारले विभिन्न कदमहरू चालिरहेको छ । यता नेपाल टेलिकमले पनि सचेतनाकालागि फोन गर्दा सचेतना सामाग्री प्रस्तुत समेत गरिरहेको छ ।

नेपाल टेलिकमबाट कुनै पनि नम्बरमा फोन गर्दा उक्त सचेतना सामाग्री सुन्न सकिन्छ । तर सो सामाग्री एक व्यक्तिको फोनमा कति पटक बजाउने भन्ने कुराको निर्धारण भने छैन ।

एक तर्फ नागरिकहरू कोरोनाको त्रासमा परिहरेको समय छ अर्का तर्फ उक्त सामाग्री बारम्बार बजिरहन्छ । यसले आम नागरिकमा कस्तो किसकीको असर गरिरहेको छ त? सकारात्मक वा नकरात्कम ?

कुनै पनि कुराको विषयमा नागरिकलाई सचेत गराउनु राम्रो काम हो । अझ महामारी फैलिरहेको समयमा यसको विषयमा बोध गराउनु उत्कृष्ट कार्य नै हो । तर नागरिकलाई एउटै कुरा बारम्बार सुनिरहँदा उनीहरू सचेत भइरहेका छन् वा दिक्क मानिरहेका छन् त ? एउटै कुराको ज्ञान जनमानसमा कति पटक सम्म दिने ? विचार गरौँ उक्त सामाग्रीले त्रास त फैलाई रहेको छैन ?